සටහන – රුවන් නෙළුගොල්ල
රමාල් සිරිවර්ධන මහතා ගම්පහ මහ නගර සභාවේ නියෝජ්‍ය නගරාධිපතිවරයා වශයෙන් පත්කර තිබේ.
මැතිවරණ කොමිෂන් සභාව විසින් නිකුත් කරන ලද අතිවිශේෂ ගැසට් නිවේදනයෙහි මේ බව සඳහන් කර ඇත.
අනුර කුමාර දිසානායක මහතා ජනාධිපති ධුරයට පත්වීමෙන් අනතුරුව විජිත හේරත් මහතා ප්‍රවාහන අමාත්‍යවරයා වශයෙන් කටයුතු කළ සමයේදී, එනම් 2024 ඔක්තෝබර් මාසයේදී රමාල් සිරිවර්ධන මහතා ලංකා ගමනාගමන මණ්ඩලයේ සභාපති ධුරයට පත්කෙරුණු අතර 2025 ජනවාරි මාසයේදී ඔහු එම තනතුරෙන් ඉල්ලා අස්වූයේය. ඒ, පෞද්ගලික හේතුවක් මත යැයි පවසමිනි.
