සටහන: සශිකලා මධුෂාණි
ජුනි 03; ලෝකය(අවුට්බවුන්ඩ් ටුඩේ): ඉතාලියේ සුප්‍රසිද්ධ එට්නා ගිනිකන්දේ දැවැන්ත පිපිරීමක් සිදුව ඇති බව ඉතාලියේ ජාතික භූ භෞතික විද්‍යා හා ගිනිකඳු විද්‍යා නිරීක්ෂණාගාරය නිවේදනය කර තිබේ.
එට්නා කන්ද ලෝකයේ වඩාත්ම ක්‍රියාකාරී ගිනි කඳු වලින් එකක් වන අතර 2014 සිට මෙතරම් විශාල පිපිරීමක් සිදුවී නොමැති බව නිරීක්ෂණාගාරය පවසයි.
ගිනි කන්ද පුපුරා යන අවස්ථාවේ එහි සංචාරකයන් 40ක් පමණ සිට ඇති අතර එහි සියලුම සංචාරකයින් සහ කඳු නගින්නන් ආරක්ෂිතව ඉවත් කර තිබේ.
ඉතාලි දූපතේ ඇති ගිනි කන්ද වසරකට මිලියන 1.5 ක ජනතාවක් සංචාරය කරන ජනප්‍රිය සංචාරක ගමනාන්තයක් වන අතර, ඔවුන්ගෙන් බොහෝ දෙනෙක් එහි මුදුනට යන තෙක්ම පාහේ ගමන් කරති.
