රෂිකා හෙන්නායක ජුනි 04, කොළඹ LNW :
ජනාධිපති අරමුදලේ කාර්යයන් ප්රාදේශීය ලේකම් කාර්යාල දක්වා විමධ්යගත කිරීමත් සමඟ ඊට ලැබෙන වෛද්යාධාර අයඳුම්පත් සංඛ්යාව ඉහළ ගොස් තිබෙන බව වාර්තා වේ.
ජනාධිපති මාධ්ය අංශය පැවසුවේ, ඒ සමඟම පරිගණක මූලික කරගත් නව මාර්ගත ක්රමවේද පිළිබඳව ප්රාදේශීය ලේකම් කාර්යාලවල අදාළ කාර්ය මණ්ඩලය දැනුවත් කිරීම හා පුහුණු කිරීම අත්යවශ්ය වී ඇති බවයි.
එහි එක් පියවරක් ලෙස උතුරු පළාතේ යාපනය, කිලිනොච්චිය, මුලතිව්, මන්නාරම හා වවුනියාව දිස්ත්රික්කවල ප්රාදේශීය ලේකම්වරු හා ජනාධිපති අරමුදල සම්බන්ධයෙන් කටයුතු කරනු ලබන විෂය නිලධාරීන් සඳහා පුහුණු වැඩසටහනක් ලබන 21 වන දින කිලිනොච්චිය දිස්ත්රික් ලේකම් කාර්යාලයේ දී පැවැත්වීමට කටයුතු සූදානම් කර තිබෙන බව සඳහන් වේ.
උතුරු පළාතේ ජනාධිපති අරමුදලේ ප්රතිලාභීන් ප්රමාණය වැඩි කිරීම, ප්රතිලාභීන් වෙත ඉහළ ගුණාත්මක සේවාවක් ලබා දීම, නවීකරණය වූ මාර්ගගත ක්රමවේද හඳුන්වාදීම හා වඩාත් කඩිනම් සේවාවන් සැපයීම පිණිස අදාළ දැනුම හා පුහුණුව ලබා දීමට මෙම වැඩසටහන මඟින් අපේක්ෂා කරයි.
