ශ්‍රී ජයවර්ධනපුර රෝහලේ ස්නායු රෝග වාට්ටුව (Neurosurgical ward ) තාවකාලිකව වසා දමා ඇතැයි රෝහල් ආරංචිමාර්ග පවසයි.
ඒ, එම වාට්ටුවේ ප්‍රධානියාව සිටි ස්නායු ශල්‍ය විශේෂඥ මහේෂි විජේරත්න පසුගියදා අත්අඩංගුවට ගෙන් රිමාන්ඩ් භාරයට පත් කිරීමත් සමගය.
එම සිද්ධියෙන් පසු එම වාට්ටුවට රෝගීන් ඇතුලත් කිරීම අත්හිටුවා ඇති බවත්, සියලුම ස්නායු අබාධිත රෝගීන් කොළඹ ජාතික රෝහලට අනුයුක්ත කිරීමට කටයුතු කර ඇති බවත් ඉහත ආරංචිමාර්ග වැඩි දුරටත් ප්‍රකාශ කළේය.
ජයවර්ධනපුර රෝහලේ වාට්ටු අංක 18 දරණ ස්නායු රෝග වාට්ටුවේ ICU ඇඳන් 06, HDU ඇඳන් 04 සහ සාමාන්‍ය රෝගීන් 24 දෙනෙකු සඳහා ප්‍රතිකාර ගැනීමට ඉඩ පහසුකම් ඇත. එමෙන්ම මුදල්ගෙවා ප්‍රතිකාර ලැබීමේ කාමර දෙකකින් ද එම ඒකකය සමන්විත වන බව සඳහන්.
