පසුගිය 09 වැනිදා ගාලු මුවදොර ඉදිරිපිට හා අරලිය ගහ මන්දිරය ඉදිරිපිට මහජන විරෝධතාවලට පහරදීමට එරෙහිව යුක්තිය ඉල්ලා අද කොටුව මහේස්ත්‍රාත් අධිකරණය ඉදිරිපිට විරෝධතාවක් සංවිධානය කර තිබුණි.
එම පහරදීමේ සිද්ධීන්ට අදාළව අත්අඩංගුවට ගෙන සිටින ශ්‍රී ලංකා පොදුජන පෙරමුණු පාර්ලිමේන්තු මන්ත්‍රීවරුන් වන සනත් නිශාන්ත,මිලාන් ජයතිලක හා සමාජ ක්‍රියාකාරී ඩෑන් ප්‍රියසාද් ඇතුලු 06 දෙනෙක් අද අධිකරණයට ඉදිරිපත් කිරීමෙන් අනතුරුව ලබන 27 වැනි දින දක්වා යළිත් රක්ෂිත බන්ධනාගාර ගත කිරීමටයි අධිකරණය නියෝග කළේ.
මේ අතර නීතිපතිවරයා විසින් නියම කල පරිදි බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්ට ස්ථාන මාරුවක් නොදීම සම්බන්ධයෙන් කරුණු විමසීම සඳහා පොලිස්පතිවරයාට අධිකරණය හමුවේ පෙනී සිටින ලෙසද කොටුව මහේස්ත්‍රාත් අධිකරණය නියෝග කරන ලදී.
