පාර්ලිමේන්තු මන්ත්‍රී විමල් වීරවංශ මහතාගේ බිරිඳ ශෂී වීරවංශ මහත්මියට වසර දෙකක බරපතල වැඩ සහිත සිරදඬුවමක් නියම කර තිබෙනවා.
අසත්‍ය තොරතුරු ලබා දී රාජ්‍යතාන්ත්‍රික විදේශ ගමන් බලපත්‍රයක් ලබා ගැනීම සම්බන්ධයෙන් වීරවංශ මහත්මියට එරෙහිව ගොනුකර තිබූ නඩුවේ තීන්දුව අද ප්‍රකාශයට පත් කළේය. කොළඹ ප්‍රධාන මහේස්ත්‍රාත් බුදධික ශ්‍රී රාගල මහතා විසින් තීන්දුව ප්‍රකාශයට පත් කළේය.
සිරදඬුවමට අමතරව රුපියල් ලක්ෂයක දඩ මුදලක්ද ඇයට නියම කර ඇති අතර එම දඩ මුදල නොගෙවන්නේ නම් වසර දෙකක සිරදඬුවම වසර දෙකහමාරක් දක්වා දිගු වන බවද තීන්දුවේ සඳහන් වේ.
UN
