නීති විරෝධීව මෙරටට ආනයනය කරන ලද යතුරුපැදි 21ක් පොලිස් භාරයට ගැනීමට මධ්යම අපරාධ විමර්ශන කාර්යංශය සමත්ව තිබේ.
හම්බන්තොට, නාගරවැව කුරුළු උයන පරිශ්රයේ කුරුලු ආහාර ගබඩාවේ සඟවා තිබියදී මෙම යතුරුපැදි 21 පොලීසිය විසින් සොයාගෙන ඇත.
මෙරටට ආනයනය කිරීම තහනම් වන මෙම එක් එක් යතුරුපැදිවල වටිනාකම රුපියල් කෝටි එකහමාරකට වඩා වැඩි බවයි පොලීසිය සඳහන් කරන්නේ.
එමෙන්ම මෙහිදී කුරුලු උයන පරිශ්රයේ නීති විරෝධී ලෙස වගා කර තිබූ ගංජා පැල 04ක් සමග මෙම සත්ත්ව ගොවිපොළේ කළමනාකරු හා ගබඩා පාලකද පොලිස් අත්අඩංගුවට ගෙන තිබේ.
අත්අඩංගුවට ගත් සැකකරුවන් අවුරුදු 40 හා 50 වයස්වල පසුවන මාතර හා මිද්දෙණිය ප්රදේශවල පදිංචිකරුවන් වන බවත් සඳහන්.
