සටහන – රුවන් නෙළුගොල්ල
ඇමරිකානු ජනාධිපති ඩොනල්ඩ් ට්‍රම්ප් මහතා විසින් ශ්‍රී ලංකාවෙන් ආනයනය කෙරෙන භාණ්ඩ සඳහා පැනවූ තීරුබදු අනුපාතය 20% දක්වා අඩුකර තිබේ.
ධවල මන්දිර වෙබ් අඩවියෙහි ඒ බව මෙසේ සඳහන් කර ඇත.
මුලින් 44%ක් වශයෙන් තීරණය කර තිබුණු මෙම තීරුබදු අනුපාතය පසුගිය මාසය වනවිට 30% දක්වා අඩුකර තිබූ අතර බදු ක්‍රියාත්මක වීමට නියමිතව තිබුණු අද (අගෝස්තු 01) දිනය වනවිට මෙසේ 20% දක්වා අඩුකර තිබේ.
මේ පිළිබඳව දිවයිනේ ප්‍රධානතම ව්‍යාපාරිකයකුගෙන් අප කළ විමසීමකදී ඔහු සඳහන් කළේ ඇමරිකාව විසින් ලොව රටවල් ගණනාවකට පනවන ලද අන්‍යෝන්‍ය තීරුබදු හරහා ශ්‍රී ලංකාව පත්ව තිබූ අවිනිශ්චිත තත්වය මෙම 20% බදු අනුපාතයත් සමග සම්පූර්ණයෙන්ම පහව ගොස් ඇති බවයි.
නව බදු අනුපාත අගෝස්තු 07 වනදා සිට ක්‍රියාත්මක වන බවයි ධවල මන්දිර වෙබ් අඩවියේ සඳහන් වන්නේ.
