රෂිකා හෙන්නායක අගෝස්තු 02 කොළඹ LNW :
ඇඟලුම් සේවිකාවන් පිරිසක් ප්‍රවාහනය කරමින් තිබු බස් රථයක් දෙහිඕවිට ප්‍රදේශයේදී බස් රථයක් පෙරළීමෙන් පුද්ගලයින් 42 දෙනෙකු තුවාල ලබා රෝහල් ගත කර තිබෙන බව වාර්තා වේ.
තුවාල ලැබූවන් අවිස්සාවේල්ල මහ රෝහලට ඇතුලත් කර ඇති අතර ඔවුන්ගේ තත්වය බරපතල නොමැති බව පොලිස් මාධ්‍ය ප්‍රකාශක සහකාර පොලිස් අධිකාරි එෆ් යු වුට්ලර් මහතා පවසයි.
පොලිස් මාධ්‍ය ප්‍රකාශකවරයා වැඩි දුරටත් පැවසුවේ අනතුරට හේතුව බස්රථයේ කාර්මික දෝෂයක් ද එසේ නොමැතිනම් රියදුරුගේ නොසැලකිල්ලද යන්න සම්බන්ධයෙන් විමර්ශන ක්‍රියාත්මක බවයි.
