කොළඹ LNW:ඇමරිකාවට කරනු ලබන අපනයන මත පැනවූ අන්‍යෝන්‍ය තීරු බද්ද 44% සිට 20% දක්වා අඩුකර ගැනීම පිළිබඳ සතුට පළ කරන අතර ඒ සඳහා ඇතිකර ගත් එකඟතා වහා රටට හෙළි කරන ලෙස ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතා ට්විටර් පණිවිඩයක් තබමින් පවසයි.
තීරු බදු අඩුකර ගැනීම සදහා ඇමරිකාව සමඟ ඇති කරගත් “අර්ථවත් වෙළද සහ ආරක්ෂක ගිවිසුම්” පිළිබදව විනිවිද භාවයක් අවශ්‍ය යැයි මන්ත්‍රීවරයා අවධාරණය කරයි. නාමල් අවධාරණය කරයි.
එවැනි ගිවිසුම් මගින් රටේ ස්වෛරීභාවයට හානිකිරීමට ඉඩ දිය නොහැකි බවයි ඔහු පවසන්නේ.
“ජාත්‍යන්තර හවුල්කරුවන් සමඟ ඇති කරගන්නා සියළු ගිවිසුම් විනිවිදභාවයෙන් යුක්ත විය යුතුය. එමෙන්ම එම ගිවිසුම් රටේ ස්වෛරීභාවයට හානි නොකරන බවද සහතික කර ගත යුතුය. එබැවින්, එක්සත් ජනපදය සමග ඇති කරගත් එකගතා පිළිබදව මහජනතාව දැනුවත් කළ යුතුයි.” යනුවෙන් රාජපක්ෂ මහතා කියාසිටියි.
