කොළඹ LNW: ඊළඟ ජනාධිපතිවරණයටද තමන් ඉදිරිපත්වන බව විපක්ෂ නායක සජිත් ප්‍රේමදාස මහතා සමඟි ජන සන්ධානයේ නායකයින්ට අවධාරණය කර තිබේ.
පසුගිය 14 වැනිදා සජිත් ප්‍රේමදාස මහතාගේ ප්‍රධානත්වයෙන් පැවති සාකච්ජාවකදීයි ඔහු ඒ බව කියා ඇත්තේ. ඊට සමඟි ජන සන්ධනයේ සුළු පක්ෂ නායකයින් සහභාගී වී සිටි බවයි මේ පිළිබඳව මාධ්‍ය වෙත කරුණු දක්වමින් දෙමළ ප්‍රගතිශීලි සන්ධානයේ නායක මනෝ ගනේෂන් මහතා පැවසුවේ.
එය සජිත් ප්‍රේමදාස මහතාට ඇති අයිතියක් බවත් තමන් ප්‍රමුඛ සුළු පක්ෂ සමඟි ජන සන්ධානයේ මිස සමඟි ජන බලවේගයේ නොවන හෙයින් ඒ පිළිබඳව ඉවසීමෙන් බල සිටින බවද මනෝ ගනේෂන් මහතා කියා සිටියේය.
ආශිකා බ්‍රාහ්මණ
