කොළඹ LNW:හිටපු ජනාධිපති ලේකම් සමන් ඒකනායක සම්බන්ධයෙන්ද විමර්ශන සිදුකරමින පවතින බව නීති දිශාව භාර නියෝජ්‍ය පොලිස්පති කාලිංග ජයසිංහ මහතා පවසයි.
හිටපු ජනාධිපති රනිල් වික්‍රමසිංහ මහතාට එල්ල වී තිබෙන විදෙස් සංචාරයට මුදල් අනුමත කිරීම සම්බන්ධයෙන් එම විමර්ශනය අරඹා තිබේ.
මෙම සිද්ධිය සම්බන්ධයෙන් අධිකරණයේදී කරුණු දක්වමින් අතිරේක සොලිස්ටර් ජනරාල් දිලීප පීරිස් මහතා පැවසුවේ වික්‍රමසිංහ මහතාට චෝදනා එල්ල වී තිබෙන විදෙස් සංචාරයට අදාළව වියදම් සඳහා පූර්ව අනුමැතියක් ලබාගෙන නොමැති බවයි.
හිටපු ජනාධිපති ලේකම්වරයා වැරදි ආකාරයෙන් කටයුතු කර තිබෙන අතර රජයේ නිලධාරීන් දේශපාලකයින් හරි මඟ යැවිය යුතු බවත් රජයේ අරමුදල් තමන්ගේ අභිමතයට යොදාගත නොහැකි බවත් දිලීප පීරිස් මහතා සඳහන් කර තිබුණි.
ඒ අනුව මේ වන විට සිද්ධිය සම්බන්ධයෙන් රනිල් වික්‍රමසිංහ මහතා එළඹෙන 26 වැනිදා දක්වා රක්ෂිත බන්ධනාගාර ගතකර තිබෙන අතර ඔහුට අත්අඩංගුවට ගැනුණේ පොදු දේපල අවභාවිත කිරීමේ චෝදනාව මතයි.
කෙසේවෙතත් මේ වන විට වික්‍රමසිංහ මහතා කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් පසුවෙයි.
ආශිකා බ්‍රාහ්මණ
