ඉන්දුනීසියාවේදී අත් අඩංගුවට ගෙන මෙරටට රැගෙන පැමිණි මන්දිනු පද්මසිරි පෙරේරා හෙවත් කෙහෙල්බද්දර පද්මේ නමැති පාතාල නායකයා ඇතුළු පිරිසගෙන් මේ වනවිට පොලීසිය ප්රශ්න කරමින් සාර්ථක ලෙස තොරතුරු අනාවරණය කරගනිමින් සිටින බව ආරංචිමාර්ග පවසයි.
කෙහෙල්බද්දර පද්මේ නමැත්තාගෙන් මුදල් ලබාගත් අය අතර ඉහළම මට්ටමේ පොලිස් නිලධාරීන් පවා සිටින බවට තොරතුරු අනාවරණය වී ඇති බවයි ආරංචිමාර්ග සඳහන් කළේ.
ඔහුගේ පාපොච්ඡාරණයේදී පසුගිය ආණ්ඩුවේ මැති ඇමතිවරුන් පිරිසකගේ නම් ද කියැවී ඇති බවත් විශ්වාසදායක ආරංචිමාර්ග ප්රකාශ කළේය.
විමර්ශනවලට බාධාවක් වියහැකි බැවින් අපි වැඩිදුර තොරතුරු අනාවරණය කිරීමෙන් වැළකී සිටින්නෙමු.
