ත්‍රිකුණාමලය තෙල් ටැංකි සංකීර්ණය සංවර්ධනයට අදාළව ට්‍රින්කෝ පෙට්‍රෝලියම් ටර්මිනල් ප්‍රයිවට් ලිමිටඩ් නමින් සමාගමක් ස්ථාපිත කිරීම සඳහා කැබිනට් අනුමැතිය ලැබී තිබේ.
ඒ අනුව ඉදිරි සතියක් ඇතුළත අදාළ ගිවිසුම අත්සන් කිරීමට බලාපොරොත්තු වෙන බවයි කැබිනට් තීරණ දැනුම් දීමේ මාධ්‍ය හමුවේදී (04) බලශක්ති අමාත්‍ය උදය ගම්මන්පිල මහතා පැවසුවේ.
මෙහිදී ලංකා ඛණිජ තෙල් සංස්ථාවට තෙල් ටැංකි 24 ක්ද, IOC සමාගමට ටැංකි 14 ක්ද ව්‍යාපාර කටයුතු සඳහා වෙන් කිරීමට නියමිතය.
ඉතිරි ටැංකි 61 හි කොටස් 51%ක් ක් ලංකා ඛණිජ තෙල් සංස්ථාවටත් ඉතිරි කොටස් 49%ක් ලංකා අයි ඕ සී සමාගමටත් හිමිවන ලෙස හවුල් ව්‍යාපාරයක් ලෙස වසර 50කට බදු දීමට නියමිත බවයි අමාත්‍යවරයා සඳහන් කළේ.
මෙය ඛනිජ තෙල් සංස්ථාවේ පූර්ණ පාලිත සමාගමක් ලෙස ක්‍රියාත්මක බවද හෙතෙම කියාසිටියේය.
ASK
