සටහන – පුලී
සැප්තැම්බර් 18, කොළඹ (LNW): සැප්තැම්බර් 17 වන දා ජනතාව අතට පත් කළ “ක්රිෂාන්තිගේ අඩිපාරේ” යනු පොතක් පමණක් නොව, අපේ රටේ අඳුරු ඉතිහාසයට අයත්, නොකියවී නොවන්නට තිබුණු මතකයන් නැවත අවුස්සන සළකුණකි.
ප්රවීණ මාධ්යවේදී රත්නපාල ගමගේ මහතා විසින් රචිත මෙම කෘතිය, යාපනයේ මධ්යම පාන්තිකව උපන් ක්රිෂාන්ති කුමාරස්වාමි කතාව ආධාර කර ගෙන, සිහිනයක් බිඳී යන අයුරු සහ අවිස්මරණීය අධර්මයක් විවෘතව කතා කරන සටහනකි. වෛද්යවරියක් වීමට බලාපොරොත්තු වූ ඒ අහිංසක පිච්ච මල අමානුෂික අවස්ථාවකට ගොදුරු වීම කාගේත් ඇඟේ මවිල් කෙලින් කරවන අන්දමින් පාඨකයා අතට පත් කිරීමට රත්නපාලයන් ගත් ඒ උත්සාහය අපි අගය කළ යුතු වෙමු.
“ක්රිෂාන්තිගේ අඩිපාරේ” යනු පුවත් වාර්තාකරණය පමණක් නොව, කාලයත් සමග මකා දැමිය නොහැකි සත්ය අඳුරු සිදුවීම් පොතක පිටු අතරට ගෙනෙන්න දරපු උත්සාහයකි. එය කියවන්නාට දුක සහ කෝපය සිතට ගෙන එන රසාස්වාදනයක් සපයන අතර, අනාගතයට පණිවිඩයක් ද පවරයි!
මිනිසුන්ගේ සිහින අඳුරු මතකයන් සමඟින් බිඳී යන විට සමාජය පුරා වැලපීම් සෝ සුසුම් මැදින් මතු වන අසමසම සත්යග්රහයක්! “ක්රිෂාන්තිගේ අඩිපාරේ…” එන්න ඇවිඳන් යන්න.
