සටහන – රුවන් නෙළුගොල්ල
බලපත්‍ර නොමැතිව නීතිවිරෝධී ලෙස අලියකු සන්තකයේ තබාගැනීම සම්බන්ධයෙන් වරදකරු වූ සමරප්පුලිගේ නිරාජ් රොෂාන් හෙවත් අලි රොෂාන් නමැත්තාට බරපතළ වැඩසහිත වසර 15ක සිරදඬුවම් ලබාදීමට කොළඹ ත්‍රිපුද්ගල මහාධිකරණය අද (19) නියෝග කළේය.
දීර්ඝ නඩු විභාගයකින් අනතුරුව මංජුල තිලකරත්න, ආර්.එස්.එස්. සපුවිද සහ ලංකා ජයරත්න යන ත්‍රිපුද්ගල මහාධිකරණ විනිසුරු මඬුල්ල විසින් මෙම තීන්දුව ප්‍රකාශයට පත්කරන ලදී.
ඉහත සිර දඬුවමට අමතරව විත්තිකරුට රුපියල් ලක්ෂ 206ක දඩයක් ද නියම කෙරුණු අතර අදාළ අලියාව රාජසන්තක කිරීමට ද නියම කෙරිණි.
මෙම සිද්ධිය සම්බන්ධයෙන් චෝදනා ලබා සිටි තවත් විත්තිකරුවන් තිදෙනෙකු නිදොස්කොට නිදහස් කිරීමට ද විනිසුරු මඬුල්ල නියෝග කළේය.
