සටහන: සශිකලා මධුෂාණි
ඔක්තෝබර් 14: ලෝකය(අවුට්බවුන්ඩ් ටුඩේ) : වසර 48 කට පසු ඉන්දියාවේ ෂෙරී සිං මිස් යුනිවර්ස් විවාහක රූ රැජින කිරුළ දිනාගෙන තිබේ.
පිලිපීනයේ මැනිලා හි ඔකාඩා හි පැවති 48 වන තරඟාවලියේදී ඇය ලොව පුරා කාන්තාවන් 120 කට අධික සංඛ්‍යාවක් සමඟ තරඟ කර කිරුළ දිනාගෙන ඇත.
විලාසිතා පිළිබඳ ශාස්ත්‍රපති උපාධිදාරිනියක්, හිටපු ජාතික මට්ටමේ පැසිපන්දු ක්‍රීඩිකාවක් සහ යෝග්‍යතා උපදේශකවරියක් වන ෂෙරී සිං වසර නවයක් විවාහ වී සිටින සහ කුඩා පුතෙකුගේ මවකි. සිය ජයග්‍රහණයෙන් අනතුරුව ෂෙරී සිං සඳහන් කර තිබුණේ, මෙම ජයග්‍රහණය මගේ පමණක් නොවේ, එය සීමාවන් ඉක්මවා සිහින දැකීමට එඩිතර වූ සෑම කාන්තාවකටම අයත්වන බවයි.
අවසාන මහා තරඟයේදී බාහිර සුන්දරත්වයට වඩා බුද්ධිය, අනුකම්පාව සහ සමාජ වගකීම් සම්බන්ධයෙන් ජුරිය අවධානය යොමුකර තිබු අතර ෂෙරී සිං වසර ගණනාවක් පුරා ඉන්දියාවේ අඩු වරප්‍රසාද ලත් පසුබිම්වල ගැහැණු ළමයින් සඳහා අධ්‍යාපනයට සහාය දක්වන බහු සංවිධාන සමඟ එක්ව කටයුතු කිරීම ජූරියේ ප්‍රශංසාවට ලක් වී තිබිණ.
