රෂිකා හෙන්නායක ඔක්තෝබර් 20, කොළඹ LNW :
බදුල්ල ශික්ෂණ රෝහලේ පසුගිය කාලයේදී ඉදිකරමින් සිට නවතා දමා ඇති මහාචාර්ය ඒකක සහිත දස මහල් ගොඩනැඟිල්ල ඇතුළු සංවර්ධන ව්යාපෘති නැවත ආරම්භ කිරීමට එක්වෙමින්, බදුල්ල ශික්ෂණ රෝහල නවීනතම තාක්ෂණික ක්රමවේදයන්හි දියුණුවක් සහිතව රෝගී ආරක්ෂණ මුලපිරීම්, පුළුල් පරාසයක ඉහළ ගුණාත්මක විශේෂිත සෞඛ්ය සේවාවන් සැපයීම සිදු කරන තෘතීයික සත්කාර සපයන රෝහලක් ලෙස සංවර්ධනය කරන බව සෞඛ්ය හා ජනමාධ්ය ඇමැති වෛද්ය නලින්ද ජයතිස්ස පැවසීය.
ඌව පළාතේ මිලියන 1.5කට අධික ජනතාවකට සහ අවට ප්රදේශ රැසක ජනතාවට තෘතීයික මට්ටමේ විශේෂඥ සත්කාර ලබාදෙමින් රෝගී කේන්ද්රීය සෞඛ්ය සේවාවක් සපයන බදුල්ල ශික්ෂණ රෝහල සංවර්ධනයෙන් විශාල ජනතාවකට සේවාවක් ලබාදීමට හැකි වී තිබේ. රෝහල් පරිශ්රයේ විශේෂ නිරීක්ෂණයක නිරත වූ සෞඛ්ය හා ජනමාධ්ය ඇමැතිවරයාගේ විශේෂ අවධානය යොමු වී තිබෙන බව සඳහන් වේ.
