රෂිකා හෙන්නායක නොවැම්බර් 02, කොළඹ LNW :
නාවික හමුදා භාරයට ගත් මෙරට බහුදින යාත්‍රාවේ තිබී හෙරොයින් සහ අයිස් මත්ද්‍රව්‍ය සොයා ගත් බව නාවික හමුදාව පවසයි.
ඒ අනුව, ආරක්ෂක නියෝජ්‍ය අමාත්‍ය අරුණ ජයසේකර මහතා පැවසූවේ , නාවික හමුදාව විසින් අත්අඩංගුවට ගත් ධීවර යාත්‍රාවේ හෙරොයින් සහ අයිස් මත්ද්‍රව්‍ය කිලෝ 350කට වැඩි ප්‍රමාණයක් සොයා ගත් බවයි.
එම මත්ද්‍රව්‍යවල වටිනාකම රුපියල් බිලියන 5කට ආසන්න වන බව, අමාත්‍යවරයා පැවසුවේය.
එම යාත්‍රාවේ තිබූ උර 16ක මෙම අයිස් සහ හෙරොයින් මත්ද්‍රව්‍ය පාර්සල් කොට රැගෙන විත් ඇති බව වැඩිදුරටත් වාර්තා වේ .
