පසුගිය 09 වැනිදා අරගලකරුවන් විසින් ජනාධිපති මන්දිරය සහ ජනාධිපති ලේකම් කාර්යාලය අත්පත් කර ගැනීමෙන් පසුව පළාගිය ජනාධිපති ගෝඨාභය රාජපක්ෂ මහතා 13 වැනිදා ධුරයෙන් ඉල්ලා අස්වන බව කතානායකවරයා වෙත දැනුම් දී තිබිණි. ජනාධිපතිවරයා පොරොන්දු වූ කාලසීමාව ඉක්ම ගොස් මේ වනවිට පැය 12 කට ආසන්න කාලයක් ගත වී තිබෙනවා.
කතානායක මහින්ද යාපා අබේවර්ධන මහතා පවසන්නේ තවමත් රාජපක්ෂ මහතා ඉල්ලා අස්වීමේ ලිපිය තමා වෙත ලබා දී නොමැති බවයි.
ඉල්ලා අස්වීම තවදුරටත් ප්‍රමාද වන්නේ නම් ජනාධිපතිවරයා සිය ධුරය අතහැර ගියා සේ සලකා ඉදිරි කටයුතු සිදු කිරීම කෙරෙහි අවධානය යොමුව තිබේ. මහින්ද යාපා අබේවර්ධන මහතා, සිරස නිවුස් ෆස්ට් සිදුකළ විමසීමකට ප්‍රතිචාර දක්වමින් සඳහන් කර තිබෙන්නේ ජනාධිපතිවරයා සිය ධුරය අතහැර ගියා සේ සළකා ඉදිරි කටයුතු සිදු කිරීමට අදාල නීතිමය ප්‍රතිපාදන පිළිබඳව මේ වනවිට සොයා බලමින් සිටින බවයි.
UN
