ඛනිජ තෙල් සංස්ථාවේ ඉන්ධන තොග ප්‍රමාණවත් තරම් තිබෙන බව පැවසුවද බෙදා හැරීම සීමා කර ඇති හෙයින් සෑම ඉන්ධන පිරවුම්හලකටම පෙට්‍රල් සහ ඩීසල් නොලැබෙන බව ඉන්ධන පිරවුම්හල් හිමියන්ගේ සංගමයේ සභාපති කුමාර රාජපක්ෂ මහතා අද (25) මාධ්‍ය වෙත පැවසුවේය.
මෙම තත්ත්වය මත දෛනිකව ඉන්ධන ලැබෙන පිරවුම් හල් මොනවාද යන්න පිළිබඳ අන්තර්ජාලය තුළ තොරතුරු යාවත්කාලීන වන හෙයින් එලෙස ඉන්ධන ලැබෙන පිරවුම්හල් වෙත පමණක් ගොස් අවශ්‍ය ඉන්ධන ලබාගන්නා ලෙසයි ඔහු පාරිභෝගික ජනතාවගෙන් ඉල්ලා සිටියේ.
වාහන අංක අනුව සහ QR කේත ක්‍රමය ඔස්සේ පමණක් දැන් ඉන්ධන බෙදා හැරෙන නිසා අනවශ්‍ය ලෙස පෝලිම් වල රැඳී නොසිටින ලෙසද රාජපක්ෂ මහතා සඳහන් කළේය.
වාහන අංක අනුව සහ QR කේත ක්‍රමය මඟින් ඉන්ධන ලබාදීමේ වැඩපිළිවෙල සාර්ථක බව පෙනෙන්නට ඔහු කියා සිටින ලදී.
ASK
