රෂිකා හෙන්නායක ජනවාරි 13, කොළඹ LNW :
ජාත්යන්තර මූල්ය අරමුදල විසින් ලබාදෙන විස්තීර්ණ අරමුදල් පහසුකමේ 5 වන සමාලෝචනය සම්බන්ධයෙන් නැවත සාකච්ඡා කිරීම සඳහා , ලබන 22 වැනිදා ජාත්යන්තර අරමුදලේ නියෝජිතයින් පිරිසක් මෙරටට පැමිණීමට නියමිතව ඇතැයි මුදල් සහ ක්රමසම්පාදන නියෝජ්ය අමාත්ය, ආචාර්ය අනිල් ජයන්ත පවසයි.
විස්තීර්ණ අරමුදල් පහසුකමේ 5 වන සමාලෝචනය අවසන්ව ඇති අතර ඊට අනුමැතිය ලබාදීම සඳහා විධායක මණ්ඩලය පසුගිය දෙසැම්බර් මස 15 වනදා රැස්වීමට නියමිතව තිබුණු නමුත්, එම රැස්වීම කල්දමනු ලැබුවේ ශ්රී ලංකාව කඩිනම් මූල්ය පහසුකම ඉල්ලීම හේතුවෙන්ය.
නියෝජ්ය අමාත්යවරයා ප්රකාශ කළේ, ශ්රී ලංකා රජය පසුගියදා පාර්ලිමේන්තුවට ඉදිරිපත් කරන ලද පරිපූරක ඇස්තුමේන්තුව පිළිබදව ඔවුන් සාකච්ඡා කිරිමට බලාපොරෝත්තු වන බවය.
