ප්‍රවීන ගායන ශිල්පියකු සහ ගිටාර් වාදන ශිල්පියකු වූ රාජු බණ්ඩාර මහතා අභාවප්‍රාප්ත වී තිබේ.
කලක් අසනීපයෙන් පසුවූ ඒ මහතා ඊයේ (15) පස්වරුවේ රාගම පිහිටි සිය නිවසේදී මියගොස් ඇති බව සඳහන්.
මියයන විට ඔහු 65 වැනි වියේ පසුවිය.
රාජු බණ්ඩාර ගායනා කළ “මා ආදරෙයි මුළු ලොවටත් වඩා” ගීතය කලක් මෙරට තරුණ තරුණියන් අතර ඉහළම ජනප්‍රියත්වයක් හිමිකරගෙන තිබිණි.
“කවුදෝ මගෙ ලොවේ”, “හද වේදනා රැයේ”, “හද ගී පොතේ”, “රන් මලක් ලෙස” යනාදී තවත් ඔහුගේ ගීත රැසක් එකල අතිශයින් ජනප්‍රිය වී තිබිණි.
