ගෑස් මිල,ඉන්ධන මිල මෙන්ම අත්‍යවශ්‍ය ආහාර ද්‍රව්‍ය වල මිල ගණන් යම් ප්‍රමාණයකින් අඩු වීම නිසා එහි වාසිය පාරිභෝගිකයින්ට ලබාදෙමින් අද දින සිට තේ කෝප්පයක සහ කෑම පැකට්ටුවක මිල අඩු කිරීමට ආපන ශාලා හිමියන්ගේ සංගමය තීරණය කර තිබේ.
එහි සභාපති අසේල සම්පත් මහතා අද (09) මාධ්‍ය වෙත අදහස් දක්වමින් පැවසුවේ තේ කෝප්පයක මිල රු. 30 ක් දක්වාත් රු. 200ට වැඩි කෑම පැකට්ටුවක මිල 10%කින් අඩු කිරීමටත් තීරණය කර ඇති බවයි.
මෙය අද සිටම ක්‍රියාත්මක බවයි ඔහු පැවසුවේ.
මෙයට පරිබාහිරව යම් කිසි හෝටලයක් ආපනශාලාවක් කටයුතු කරන්නේ නම් 078 871 47 26 යන දුරකථන අංකයට දැනුම් දීමට කටයුතු කරන ලෙස අසේල සම්පත් මහතා පාරිභෝගික ජනතාවගෙන් ඉල්ලා සිටියේය.
ASK
