සිර දඬුවම් ලබා සිටින හිටපු පාර්ලිමේන්තු මන්ත්‍රී රන්ජන් රාමනායක මහතා අද (12) නුගේගොඩ ගංගොඩවිල අධිකරණය හමුවට රැගෙන ආවේය.
ඒ, නීතිවිරෝධී ලෙස ගිනි අවියක් ළඟ තබා ගැනීම සහ හඬ පට නඩුවකට අදාළවයි.
එම නඩු යළි ලබන පෙබරවාරි 29 වැනි දින දක්වා කල් තැබුණි.
රන්ජන් රාමනායක මහතා වෙත පොදු සමාව ලබා ගැනීමට නම් ඔහු අතින් සිදුව තිබෙන වරදට කණගාටුව ප්‍රකාශ කරමින් දිවුරුම් පෙත්සමක් ලබා දීමට සිදුවන බවට පසුගියදා අධිකරණ අමාත්‍ය විජයදාස රාජපක්ෂ මහතා ප්‍රකාශ කර තිබුණු අතර අධිකරණ භූමියෙන් ඉවත්ව යමින් සිටියදී මාධ්‍යවේදීන් ඔහුගෙන් ඒ ගැන විමසා සිටියේය.
ඊට පිළිතුරු දෙමින් රන්ජන් රාමනායක මහතා පැවසුවේ ”ඉදිරියේදී ඒ ගැන බලමු ජනතාව කියන දෙයක් කරනවා”යනුවෙනි.
ASK
