සර්ව පාක්ෂික ආණ්ඩුවක පරණ පුරුදු ජාවාරම්කාරයන්ගෙන් පිරුණු කැබිනට්ටුවක් යළි ස්ථාපිත කිරීමෙන් එය ජනතාව කොතෙක් දුරට පිළිගනීවිද යන ප්‍රශ්නය පවතින අතර පක්ෂ විසිනුත් වැදගත් පුදගලයින් ඒ සඳහා නම් කිරීමට ක්‍රියා කළ යුතු බව ශ්‍රීලනිප මහලේකම් පාර්ලිමේන්තු මන්ත්‍රී දයාසිරි ජයසේකර මහතා පවසයි.
අවශ්‍ය වන්නේ තනතුරු බෙදාගැනීම සඳහා කැබිනට් මණ්ඩලයක් නොව පවතින තත්ත්වයෙන් ගොඩ යා හැකි කුඩා කැබිනට් මණ්ඩලයක් බවයි මන්ත්‍රීවරයා සඳහන් කරන්නේ.
කෙසේවෙතත් පරණ පුරුදු වැරදීම රනිල් වික්‍රමසිංහ මහතාත් සිදුකළ හොත් අනාගතයේදී ඔහුටත් විශාල වැරදීමක් සිදුවනු ඇති බවද මන්ත්‍රීවරයා කියා සිටියි.
ගොඩනැගිය යුතුවන සර්ව පාක්ෂික ආණ්ඩුව සඳහා ශ්‍රී ලංකා නිදහස් පක්ෂය යෝජනා ඉදිරිපත් කර තිබෙන අතර එහිදී අනිවාර්යයෙන් ජාතික සභාව ගොඩනැගිය යුතු බවයි ඔහු අවධාරණය කරන්නේ.
ASK
