නදීක දයා බණ්ඩාර – මහනුවර
කොළඹ LNW:ආපදා තත්ත්වය හේතුවෙන් ධාවන කටයුතු අඩාල වී ඇති උඩරට දුම්රිය මාර්ගයේ බදුල්ල සිට නානුඔය දක්වා කොටස ඉදිරි මාස කිහිපය තුළදී විවෘත කරන බව ප්රවාහන හා මහා මාර්ග නියෝජ්ය අමාත්ය වෛද්ය ප්රසන්න ගුණසේන මහතා පවසයි.
බදුල්ලේ සිට නානුඔය දක්වා දුම්රිය මාර්ගය මේ වන විට විවෘත කර ඇති බවත් නානුඔය සිට අඹේවෙල දක්වා කොටස කඩිනමින් ප්රතිසංස්කරණය කරන බවත් අමාත්යවරයා සඳහන් කරයි.
ඒ අනුව ඉදිරි මාස හතරක පමණ කාලය තුළදී උඩරට දුම්රිය මාර්ගයේ බදුල්ල සිට නානුඔය දක්වා ද මෙම වර්ෂය තුළදී රඹුක්කන සිට පේරාදෙණිය දක්වා ද දුම්රිය ධාවනය කිරීමට හැකි වනු ඇතැයි නියෝජ්ය අමාත්යවරයා පවසයි.
මෙම සියලු ප්රතිසංස්කරණ කටයුතු ජාතික ගොඩනැගිලි පර්යේෂණ ආයතනයේ භූ තාක්ෂණික අධීක්ෂණය මත ශ්රී ලංකා දුම්රිය දෙපාර්තමේන්තුවේ මෙහෙයවීමෙන් සිදුවන බවයි හෙතෙම පවසන්නේ.
ශ්රී ලංකාවේ නව කියුබානු තානාපති HE Andrés González Garrido මහත්මිය පසුගියදා සියම් මහ නිකායේ මල්වතු හා අස්ගිරි පාර්ශවයේ මහා නායක හිමියන් බැහැ දුටු අතර එම අවස්ථාවට සහභාගීවූ නියෝජ්ය අමාත්ය ප්රසන්න ගුණසේන මහතා මාධ්ය හමුවේ අදහස් දක්වමින් මේ බව පවසන ලදී.
