ස්ථාවර දුරකථන, ජංගම දුරකථන, චන්ද්රිකා රූපවාහිනී ගාස්තු සහ අන්තර්ජාල ගාස්තු හෙට (05) සිට ඉහළ දැමීමට විදුලි සංදේශ නියාමන කොමිෂන් සභාව දුරකථන සේවා සැපයුම්කරුවන්ට අවසර ලබාදී තිබේ.
ඒ, ඩොලරයේ අගය ඉහළ යාමට සාපේක්ෂව මෙහෙයුම් පිරියවැය ඉහළ යාම නිසා සේවා ගාස්තු වැඩිකරන ලෙසට දුරකථන සේවා සැපයුම්කරුවන් කරන ලද ඉල්ලීමක් අනුව ය.
ඒ අනුව, සඳුදා සිට ක්රියාත්මක වන පරිදි ස්ථාවර දුරකථන, ජංගම දුරකථන හා අන්තර්ජාල ගාස්තු 20% කින් ඉහළ නැංවෙනු ඇත.
එසේම, එදින සිට දුරකථන සේවා සමාගම් මගින් පවත්වාගෙන යන චන්ද්රිකා සහ කේබල් රූපවාහිනී සේවා සඳහා වන ගාස්තු 25% කින් ඉහළ දැමේ.
එමෙන්ම ඉහත සේවාවන් සඳහා පනවන VAT බදු ප්රතිශතය ද 3% කින් ඉහළ දමා ඇති අතර නව VAT බදු ප්රතිශතය 15%ක් වේ.
RN
