රෂිකා හෙන්නායක මැයි 16, කොළඹ LNW :
ශ්‍රී ලංකාවේ ප්‍රදේශ කිහිපයකට බලපා ඇති අයහපත් කාලගුණික තත්ත්වය හේතුවෙන් සිදුවූ දේපළ සහ පුද්ගල හානි පිළිබඳව ආපදා කළමනාකරණ මධ්‍යස්ථානය නිකුත් කළ වාර්තාවක දැක්වේ.
මෙම තත්ත්වය නිසා දිස්ත්‍රික්ක කිහිපයක නිවාස 141කට අර්ධ හානි සිදුවී ඇති අතර එක් නිවසක් සම්පූර්ණයෙන්ම විනාශ වී ඇත.
වැඩිම බලපෑමක් කළුතර දිස්ත්‍රික්කයට එල්ල වී ඇති බවත්, සමස්තයක් ලෙස පුද්ගලයින් 4,099 දෙනෙකු පීඩාවට පත්ව ඇති බවත් මෙම දත්ත මගින් තහවුරු කරයි.
පවුල් 1,263ක් පීඩාවට පත් කරමින් මෙම ස්වභාවික විපත්තිය ප්‍රාදේශීය ලේකම් කොට්ඨාස 48ක් පුරා පැතිර ගොස් තිබේ.
එමෙන්ම රත්නපුර, මඩකලපුව සහ ගාල්ල ඇතුළු ප්‍රධාන නගර රැසක නිවාස හානි වාර්තා වී ඇති බව මෙහි වැඩිදුරටත් සඳහන් වේ.
