ඊයේ දිවුරුම් දුන් රාජ්‍ය අමාත්‍යවරුන් සඳහා ඇමති කාර්ය මණ්ඩල පත්කර ගැනීම සඳහා අවකාශ නොමැති බව ජනාධිපති ලේකම් සමන් ඒකනායක මහතා අමාත්‍යංශ ලේකම්වරුන් ඇතුළු බළධාරීන් වෙත ලිපියකින් දැනුම් දී තිබෙනවා.
රාජ්‍ය අමාත්‍යංශවල කාර්යයන් ආවරණය කිරීම සඳහා එම රාජ්‍ය අමාත්‍යංශය අයත් කැබිනට් අමාත්‍යංශයේ සිටින ජ්‍යෙෂ්ටතම අතිරේක ලේකම්වරයා පත්කළ යුතු අතර ඔහුට සහාය සඳහා ජ්‍යෙෂ්ට සහකාර ලේකම්වරයෙකු පත්කළ යුතුය.
රාජ්‍ය අමාත්‍යවරුන් සඳහා වෙන වැයශීර්ෂයක් වෙන් කිරීමට අදහස් නොකරන බවත්, ඒ ඒ කැබිනට් අමාත්‍යංශයේ සිටින නිළධාරීන්ගෙන් රාජ්‍ය අමාත්‍යංශයේ කාර්ය මණ්ඩලය සකස් කරගත යුතු බවත් ජනාධිපති ලේකම්වරයා වැඩිදුරටත් දන්වා සිටිනවා.
මීට අමතරව අනෙකුත් පහසුකම් සැපයීම සම්බන්ධයෙන් ඊයේ (09) නිකුත් කළ ‘රාජ්‍ය වියදම් කළමනාකරණ’ මැයෙන් යුක්ත ලිපියේ උපදෙස්වලට අනුව කටයුතු කරන ලෙසද ජනාධිපති ලේකම්වරයා දන්වා සිටී.
UN
