රෂිකා හෙන්නායක ජුනි 05, කොළඹ LNW :
ඊයේ (04) දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී (BMICH) ශ්‍රී ලංකා රෙදිපිළි හා ඇඟලුම් ආයතනය (SLITA) විසින් සංවිධානය කරන ලද ඩිප්ලෝමා සහ උසස් ජාතික ඩිප්ලෝමා සහතික ප්‍රදානෝත්සවය පැවැත්වුණි. එහිදී, කර්මාන්ත අමාත්‍යාංශයේ ලේකම් තිලකා ජයසුන්දර මහත්මිය උත්සවය අමතමින් කියා සිටියේ, ශ්‍රී ලංකාවේ ප්‍රමුඛතම අපනයන අංශය වන ඇඟලුම් කර්මාන්තය 2026 දී රටේ ප්‍රක්ෂේපිත ඇමරිකානු ඩොලර් බිලියන 17.25 ක අපනයන ආදායමට ඇමරිකානු ඩොලර් බිලියන 4.9 ක දායකත්වයක් ලබා දෙනු ඇතැයි අපේක්ෂා කරන බවයි.
උත්සවයේදී උපාධිධාරීන් 596 දෙනෙකු ඩිප්ලෝමා සහ උසස් ජාතික ඩිප්ලෝමා ලබා ගත්හ.
