සටහන: සශිකලා මධුෂාණි
ජූලි මස 02: ලෝකය(අවුට්බවුන්ඩ් ටුඩේ):
රුසියානු හමුදා විසින් ඊයේ(01) රාත්‍රියේදී යුක්රේනයේ කියෙව් වෙත දැවැන්ත ඩ්‍රෝන සහ මිසයිල ප්‍රහාරයක් දියත් කර තිබේ.
ප්‍රහාරය හේතුවෙන් පුද්ගලයන් අට දෙනෙකු ජීවිතක්ෂයට පත්ව 25 දෙනෙකු තුවාල ලබා ඇති අතර යුක්රේන ජනාධිපති වොලොඩිමියර් සෙලෙන්ස්කි විසින් රුසියාව විශාල ප්‍රහාරයකට සූදානම් වන බවට බුද්ධ් තොරතුරු වාර්තා වී ඇති බවට අනතුරු අගවා සුලු මොහොතකට පසු මෙම ප්‍රහාරය එල්ල වී ඇත.
යුක්රේනය විසින් මොස්කව් සිට කළු මුහුද දක්වා රුසියානු විදුලි බලාගාරවලට එල්ල වූ මෑත කාලීන ප්‍රහාරවලට ප්‍රතිචාර වශයෙන් යුක්රේන ආරක්ෂක සහ බලශක්ති යටිතල පහසුකම් ඉලක්ක කරගත් බව රුසියාව ප්‍රකාශ කර ඇති අතර ප්‍රහාරය හේතුවෙන් නගරයේ දිස්ත්‍රික්ක කිහිපයක ගිනි ගැනීම් සහ සිවිල් යටිතල පහසුකම් සහ නේවාසික ගොඩනැගිලි විනාශ වී ඇත.
රුසියානු හමුදා මෑතකදී යුක්රේනයේ නැගෙනහිරින් පිහිටි අවසාන ප්‍රධාන බලකොටුවක් වන කොස්ටියන්ටිනිව්කා නගරයට ඇතුළු වී ඇති අතර, යුක්රේන අණ දෙන නිලධාරීන් පවසන්නේ රුසියානු දේශසීමාව සහ වාඩිලාගෙන සිටින ක්‍රිමියාව අතර මොස්කව්හි තීරණාත්මක සැපයුම් මාර්ග කඩාකප්පල් කරමින්, මේ වසරේ ඔවුන් අහිමි වූ ප්‍රමාණයට වඩා වැඩි භූමි ප්‍රමාණයක් නැවත අත්පත් කර ගත් බවයි.
යුද්ධය මාස ගණනාවක් තිස්සේ ඇණහිට ඇති අතර, එක් එක් පාර්ශවයේ හමුදා බොහෝ දුරට ඔවුන්ගේ ස්ථානවල රැඳී සිටිති. කෙසේ නමුත්, රුසියාව යුක්රේන භූමියෙන් ආසන්න වශයෙන් පහෙන් එකක් පාලනය කරන අතර බොහෝ දුරට 2022 පෙබරවාරි මාසයේදී එහි පූර්ණ පරිමාණ ආක්‍රමණයේ පළමු මාස කිහිපය තුළ අල්ලා ගන්නා ලදී.
