කොළඹ LNW:ආණ්ඩුවට තවදුරටත් ජන ප්‍රසාදය 50%ක්ව පවතින්නේ නම් ලබන මාසයේ පළාත් සභා මැතිවරණය පැවැත්වීමට ආණ්ඩුවට හැකි බව සමඟි ජන බලවේගයේ පාර්ලිමේන්තු මන්ත්‍රී සුජීව සේනසිංහ පැවසුවේය.
”ආණ්ඩුවට සියයට 50 ක් කැමැත්තක් තිබෙන බව පුවත් පත්වල පළවෙලා තිබුණා. ආණ්ඩුවට එවැනි කැමැත්තක් තිබෙනවානම් ලබන මාසයේ පළාත් සභා මැතිවරණය පවත්වන්න ආණ්ඩුවට හැකියාව තිබෙනවා. පළාත් සභා මැතිවරණය ලබන මාසයේ පැවැත්වුණහොත් මධ්‍ය පළාතේ මහ ඇමැතිධුරයට මම ඉදිරිපත් වෙනවා. ඒ වගේම විනිසුරුවන්ගේ කාලය දීර්ඝ කිරීම 2027 ජනවාරි මාසයේදී සිදුකළොත් මම මන්ත්‍රීධුරයෙන් ඉල්ලා අස්වෙනවා. ජනාධිපතිවරයා 2027 දී ජනවාරි මාසයේදී විනිසුරුවරුන්ගේ කාලය දීර්ඝ කිරීම සිදුකරන්නේ නැහැ. ආණ්ඩුවට අවශ්‍ය පරිදි රාජ්‍ය බලය හසුරුවන්න ජනාධිපතිවරයා ඇතුළු පිරිස කටයුතු කරනවා.” යනුවෙන් මන්ත්‍රීවරයා සඳහන් කළේය.
ඔහු මේ බව පැවසුවේ අද (21) සමඟි ජන බලවේගයේ කොළඹදී පැවති මාධ්‍ය හමුවේදීය.
