සමගි ජන බලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රී නලින් බණ්ඩාර මහතාට එරෙහිව, ශ්‍රී ලංකා ක්‍රිකට් ආයතනයේ සභාපති ශම්මි සිල්වා මහතා පැමිණිල්ලක් ගොනුකර තිබෙනවා. ඊයේ පස්වරුවේ කුරුඳුවත්ත පොලීසිය වෙත මෙම පැමිණිල්ල සිදුකර තිබේ.
නලින් බණ්ඩාර මන්ත්‍රීවරයා පසුගිය 20 වැනිදා තවත් පුද්ගලයන් කිහිප දෙනෙකු සමග තමන් සොයා කොළඹ ක්‍රිකට් සමාජය වෙත පැමිණි තිබෙන බවත් කෙසේ නමුත් තමා එම අවස්ථාවේදී එහි නොසිටි බවත් ක්‍රිකට් සභාපතිවරයා සිය පැමිණිල්ලෙන් ප්‍රකාශ කරනවා.
පසුගිය දින කිහිපය තුළ ශම්මි සිල්වා මහතා සහ නලින් බණ්ඩාර මන්ත්‍රීවරයා අතර යම් මතගැටුමක් නිර්මාණය විය. ඒ, ආසියානු කුසලාන ජයග්‍රහණය සම්බන්ධයෙන් මන්ත්‍රීවරයා මාධ්‍ය වෙත සිදුකර තිබූ ප්‍රකාශයක් හේතුවෙනි. ශම්මි සිල්වා මහතා මන්ත්‍රීවරයාගේ ප්‍රකාශයට මාධ්‍ය හරහාම ප්‍රතිචාර දක්වා තිබූ අතර ඉන් අනතුරුව නලින් බණ්ඩාර මහතා යළිත් ක්‍රිකට් සභාපතිවරයාට ප්‍රතිචාර දක්වා තිබිණි.
මෙම මතගැටුම මන්ත්‍රීවරයා ඇතුළු පිරිස තමා සොයා පැමිණීමට හේතු වන්නට ඇති බවයි ශම්මි සිල්වා මහතා පවසන්නේ.
UN
