සටහන: සශිකලා මධුෂාණි
අගෝස්තු මස 02: ලෝකය(අවුට්බවුන්ඩ් ටුඩේ): එක්සත් රාජධානියේ එංගලන්තය සහ වේල්සය මෙවර ඉතිහාසයේ වාර්තාගත වියළිම ජූලි මාසය අත්විඳ ඇති බව කාලගුණ විද්යාඥයන් පෙන්වා දී තිබේ.
අඛණ්ඩව පැවති උෂ්ණ තරංග (Heatwaves) හේතුවෙන් ජූලි මාසය පුරා වර්ෂාපතනය දැඩි ලෙස පහත වැටී ඇති අතර, විශේෂයෙන් දකුණු එංගලන්තයට ලැබී ඇත්තේ එම ප්රදේශයේ දිගුකාලීන සාමාන්ය වර්ෂාපතනයෙන් සියයට 1ක් පමණක් බව වාර්තා වේ.
මෙම තත්ත්වය හේතුවෙන් ගංගා, ජලාශ සහ කෘෂිකාර්මික භූමි ප්රදේශ රැසක් දැඩි ලෙස වියළී ගොස් ඇති අතර, ජල සැපයුම සහ ආහාර නිෂ්පාදනය කෙරෙහි ද බලපෑම් එල්ල වී ඇත.
දේශගුණ විද්යාඥයන් පවසන්නේ, දේශගුණික විපර්යාස (Climate Change) හේතුවෙන් මෙවැනි අධික උෂ්ණත්ව සහ දීර්ඝ වියළි කාලයන් ඉදිරියේදී තවත් නිතර දක්නට ලැබිය හැකි බැවින්, ජල සම්පත් කළමනාකරණය, ගංවතුර සහ නියඟ පාලනය, මෙන්ම නාගරික සැලසුම්කරණය වඩාත් කාර්යක්ෂම ලෙස සිදු කළ යුතු බවත්, අනාගතයේදී මෙවැනි අන්ත දේශගුණික තත්ත්වයන්ට මුහුණ දීම සඳහා රජයන් සහ ප්රාදේශීය ආයතන දිගුකාලීන සැලසුම් කඩිනමින් ක්රියාත්මක කළ යුතු බවත් ය.
