ගම් වදින වන අලින් පළවා හැරීම සඳහා අවශ්ය අලි වෙඩි මිලදී ගැනීමට වාර්ෂිකව රජයට රුපියල් කෝටි 280ක වියදමක් දැරීමට සිදුව ඇති බව වනජීවී දෙපාර්තමේන්තුව පවසයි.
වසරකට අලි වෙඩි ලක්ෂ 14ක් අවශ්ය වන අතර දේශීය ගිනිකෙළි කර්මාන්තකරුවන්ගෙන් ඒවා මිලදී ගන්නා බවයි එම දෙපාර්තමේන්තුව පවසන්නේ.
එසේ මිලදී ගන්නා අලි වෙඩි, වන අලින් ගම් වදින අවස්ථාවල ඔවුන්ව පළවා හැරීම සඳහා ජනතාවට නොමිලේ ලබාදෙනු ලැබේ.
මේ අතර, දැනට රටේ පවතින අමුද්රව්ය මිල ඉහළ යාම අනුව අලි වෙඩි සඳහා දැනට වැයකිරීමට සිදුව ඇති වියදම ඉදිරියේදී තවත් ඉහළ යනු ඇති බවත් වනජීවී නිලධාරීන් විෂය භාර අමාත්ය මහින්ද අමරවීර මහතාට දැනුම් දී ඇති බවත් සඳහන්.
RN
