ආශිකා බ්‍රාහ්මණ
කොළඹ LNW:වියළි කාලගුණය නිසා පුද්ගලයින් 81929ක් ආපදාවන්වලට ලක් වී ඇති බව ආපදා සහන සේවා මධ්‍යස්ථානය පවසයි.
වියළි කාලගුණ තත්ත්වය නිසා දිස්ත්‍රික්ක හතක ප්‍රාදේශීය ලේකම් කොට්ඨාස 24ක පවුල් 25644ක පුද්ගලයින් 81929 ආපදාවන්ට ලක්වී සිටින බවයි ආපදා සහන සේවා මධ්‍යස්ථානයේ ජ්‍යෙෂ්ඨ සහකාර ලේකම් ප්‍රගීත් ධනන්සුරිය මහතාතා පවසන්නේ.
ඉදිරියේදී එන ඕනෑම තත්ත්වයන් සඳහා මුහුණ දීම සඳහා ආපදා සහන සේවා මධ්‍යස්ථානය සූදානමින් පසුවන බවත් දිස්ත්‍රික් ලේකම් කාර්යාල මගින් සහන සේවා කටයුතු සිදු කිරීම සඳහා අවශ්‍ය කරන ප්‍රතිපාදන ලබා දී ඇති බවත් යම්කිසි ආකාරයකින් ආපදා තත්වයන්ට මුහුණ දුන්න් පිරිස අවශ්‍ය ප්‍රතිපාදන ලබා ගැනීමට අපොහොසත් වී සිටී නම් ග්‍රාම නිලධාරී මහතා දැනුවත් කර ප්‍රාදේශීය ලේකම් කාර්යාල හරහා ඒ සඳහා අවශ්‍ය ප්‍රතිපාදන ලබා ගැනීමට කටයුතු කරන ලෙසත් ඔහු සඳහන් කර සිටියි.
