පයාගල, නයිමුල්ල ප්‍රදේශයේ නිවසක් ඉදිරිපිට ඊයේ (31) රාත්‍රියේ සිදුවූ වෙඩිතැබීමකින් බරපතළ තුවාල ලබා නාගොඩ රෝහලට ඇතුළත් කළ පුද්ගලයකු මියගොස් තිබේ.
මෙසේ මියගොස් ඇත්තේ 28 හැවිරිදි තරුණයෙකි. ඔහු සංවිධානාත්මක අපරාධ කල්ලි සාමාජිකයෙකු වන “පානදුර නිලංග” නැමැත්තාගේ මස්සිනා වන “ඩිලා” නමැති අය බව සඳහන්.
.38 වර්ගයේ ගිනිඅවියක් භාවිතා කරමින් මෙම වෙඩිතැබීම සිදුකර ඇති බවයි පොලීසිය පවසන්නේ.
මහා පරිමාණ මත්ද්‍රව්‍ය ජාවාරම්කරුවකු වන සළිඳු මල්ෂිත හෙවත් කුඩු සළිඳු නමැත්තාගේ පාර්ශ්වය විසින් මෙම වෙඩිතැබීම සිදුකර ඇති බවට දැනට තොරතුරු ලැබී ඇති බවත් වාර්තා විය.
