මෙරට බොහෝ ප්‍රදේශවලට බලපා ඇති නියං තත්ත්වය දුරු වී, රටට ප්‍රමාණවත් වර්ෂාපතනයක් ලැබීමත්, ඒ තුළින් ජන ජීවිතය හා කෘෂිකාර්මික කටයුතු යථා තත්ත්වයට පත්වීමත් ප්‍රාර්ථනා කරමින් පිරිත් සජ්ජායනය කිරීම පෙරේදා (02) රාත්‍රියේ මුරුත්තෙට්ටුවේ ආනන්ද හිමියන්ගේ මූලිකත්වයෙන් නාරාහේන්පිට අභයාරාමය විහාරස්ථානයේදී ආරම්භ කර තිබේ.
බුද්ධශාසන, ආගමික සහ සංස්කෘතික කටයුතු අමාත්‍ය හිනිදුම සුනිල් සෙනෙවි මහතා, සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතා ඇතුළු පිරිසක් මීට එක්ව සිටියහ.
මෙම පිරිත් සජ්ජායනය පුරා සතියක් පැය 24ම පැවැත්වීමට නියමිත ය.
