දකුණේ මිනීමැරුම්වලට හේතුව ගාල්ල දිසා අපරාධ කොට්ඨාසය අක්‍රිය වීමද ?

දකුණේ පාතාලය යළිත් හිස ඔසවමින් පවතින අතර මනුෂ්‍ය ඝාතන ඇතුළු අපරාධ දිනෙන් දින වාර්තා වෙමින් පවතී.

මීට මූලිකම හේතුව වී ඇත්තේ මේ පාතාලයින්ට එරෙහිව පසුගිය සමයේ දැඩි ලෙස ක්‍රියාත්මක වූ ගාල්ල දිසා අපරාධ කොට්ඨාසය මේ වනවිට අක්‍රිය මට්ටමක පැවතීම බවයි පොලිස් අභ්‍යන්තර ආරංචිමාර්ග සඳහන් කළේ. මෙම පොලිස් ඒකකය අනෙකුත් පොලිස් ස්ථාන සහ පොලිස් විශෙෂ කාර්ය බලකාය සමග එක්වෙමින් පාතලය මර්දනය කිරීම සඳහා සාර්ථක මෙහෙයුම් රැසක නියැළී තිබිණි.

එහෙත් ගාල්ල දිසා අපරාධ කොට්ඨාසයේ ස්ථානාධිපතිවරයා ඇතුළු ප්‍රධානීන් කිහිපදෙනෙකුටම පසුගිය දිනවල ස්ථාන මාරුවීම් ලබාදී තිබිණි. විශේෂයෙන් එම ඒකකයේ අධ්‍යක්ෂ සහකාර පොලිස් අධිකාරී නාමල් පෙරේරා මහතාව රාජකාරියක් නොමැතිව පොලිස් මූලස්ථානයට මාරුකර යවා තිබුණු අතර ස්ථාධිපතිවරයාව ගාල්ලේ සිට මුලතිව් වෙත මාරුකර යවා තිබිණි. එමෙන්ම මෙම ඒකකයේ විමර්ශන නිලධාරීන් දෙදෙනෙකු රක්ෂිත බන්ධනාගාරගත කර ද ඇත. එසේවෙතත් එම තනතුරු සඳහා වෙනත් නිලධාරීන් පත්කර එවා නොමැති බැවින් ගාල්ල දිසා අපරාධ කොට්ඨාසය මේ වනවිට අක්‍රිය මට්ටමක පවතින බව සඳහන්.

මේ දිනවල නිතර නම කියැවෙන ‘ලොකුපැටී’ ඇතුළු සංවිධානාත්මක අපරාධකරුවන්ගේ කල්ලිවලට පහසුවෙන් අපරාධවල නියැළීමට අවස්ථාව ලැබී ඇත්තේ මේ නිසා බව පොලිස් අභ්‍යන්තර ආරංචිමාර්ග පැවසීය.

Share post:

spot_imgspot_img

Popular

More like this
Related

AI නිර්මාණයක් හේතුවෙන් McDonald’s සමාගමට වුණ ඇබැද්දිය!

සටහන – පුලීනොවැම්බර් 16, LNW (කොළඹ): කෘත්‍රිම බුද්ධිය (AI) භාවිතයෙන්...

ඡන්ද නාමලේඛනයෙන් ඉවත් කළ මුස්ලිම්වරුන් ඉන්දියාවෙන් පිටුවහල් කිරීමේ අවදානමක්

සටහන: සශිකලා මධුෂාණීලෝකය(අවුට්බවුන්ඩ් ටුඩේ) නොවැම්බර් 16: ඉන්දියාවේ ඡන්ද හිමි...

අයවැය විරෝධතා මැද වෘත්තීය සමිති නායකයෙකු අත්අඩංගුවට ගැනීම මර්දනයකට සැරසීමක්දැයි නාමල් ප්‍රශ්න කරයි

කොළඹ LNW:2027 අයවැයට එරෙහිව නැගෙන විරෝධය මැඩපැවැත්වීමේ උත්සාහයක් ලෙස...