රෂිකා හෙන්නායක ඔක්තෝබර් 05, කොළඹ LNW :
ඉන්ධන සැපයුමේ කිසිදු හිඟයක් හෝ බාධාවක් නොමැති බවට සහතික වෙමින්, කලබල වී ඉන්ධන මිලදී ගැනීමෙන් වළකින ලෙස ලංකා ඛනිජ තෙල් පෞද්ගලික ටැංකි රථ හිමියන්ගේ සංගමය (CPPTOA) අද (05) මහජනතාවගෙන් ඉල්ලා සිටියේය.
සමහර ඉන්ධන පිරවුම්හල් විසින් නියමිත වේලාවට ඉන්ධන ඇණවුම් සිදු නොකිරීම හේතුවෙන් ප්‍රධාන වශයෙන් එම ස්ථානවල පෝලිම් දක්නට ලැබුණු බව එම සංගමයේ සභාපති ඒ.එම්.එච්. අධිකාරි මහතා ‘ මාධ්‍යට පැවසීය.
ඉන්ධන ප්‍රවාහන කොමිස් ගාස්තු සම්බන්ධයෙන් සංගමය තුළ පවතින ගැටලු පිළිබඳව අදහස් දක්වමින් අධිකාරි මහතා සඳහන් කළේ, පවතින කොමිස් ගණනය කිරීමේ ක්‍රමවේදය (formula) සංශෝධනය විය යුතු බවයි.
වතුකරය සහ දකුණු පළාතේ ප්‍රදේශ සඳහා වන ප්‍රවාහන කොමිස් ගාස්තු වත්මන් ක්‍රමවේදය තුළ සැලකිල්ලට ගෙන නොමැති බව ඔහු පැවසීය.
“මේ සම්බන්ධයෙන් සංගමය විසින් ඉල්ලීමක් ඉදිරිපත් කර ඇති අතර, මග හැරී ඇති කොමිස් අංග ද ඇතුළත් කරමින් එම ක්‍රමවේදය සංශෝධනය කිරීමේ කටයුතු මේ වන විට සිදු වෙමින් පවතී,” යැයි ඔහු වැඩිදුරටත් පැවසීය.
ප්‍
