ගලගොඩඅත්තේ ඥානසාර හිමියන් නිදහස් කරන ලෙස ඉල්ලා ජනාධිපති ලේකම් කාර්යාලය ඉදිරිපිට විරෝධතාවයේ නිරතව සිටි භික්ෂූන් වහන්සේලා ඇතුළු පිරිස එම ස්ථානයේ ඉදිකර තිබූ කූඩාරම් ඉවත් කරගෙන තිබේ.
එම ස්ථානයේ විරෝධතා පැවැත්වීමට එරෙහිව, පොලීසිය ඉල්ලීම පරිදි කොටුව මහේස්ත්‍රාත් අධිකරණය විසින් නියෝගයක් නිකුත් කිරීමෙන් අනතුරුව ඔවුන් මෙසේ කූඩාරම් ඉවත් කරගෙන ඇත.
මේ වනවිට එම භික්ෂූන් වහන්සේලා බුද්ධශාසන අමාත්‍යංශය වෙත වැඩම කර ඇති බව සඳහන්.
ඒ, එම අමාත්යාංශය විසින් ලබාදී ඇති සාකච්ඡාවකට සහභාගී වීම සඳහා ය.
