අකුරැස්ස පොලිස් ස්ථානයේ අපරාධ විමර්ශන අංශයේ ස්ථානාධිපතිවරයාව වහාම ක්‍රියාත්මක වන පරිදි සේවයෙන් පහකිරීමට පොලිස්පතිවරයා විසින් පියවර ගෙන තිබේ.
මත්ද්‍රව්‍ය ජාවාරම් කරන කාන්තාවන් කිහිපදෙනෙකු ඇසුරු කිරීම ඇතුළු විෂමාචාර චෝදනා කිහිපයක් සම්බන්ධයෙන් මෙම උප පොලිස් පරීක්ෂකවරයාට ලබාදුන් චෝදනා පත්‍රයට අදාළ විමර්ශනයේදී සියලු චෝදනාවලට ඔහු වරද පිළිගැනීම හේතුවෙන් මෙසේ ඔහුව සේවයෙන් පහකර ඇති බව සඳහන්.
පසුගිය අප්‍රේල් මාසයේ සිංහල අවුරුදු දා අකුරැස්සේ පැවති අවුරුදු සාදයකට සහභාගී වූ පිරිසක් අත්අඩංගුවට ගෙන ඔවුන් සතුව තිබූ රුපියල් ලක්ෂ 5ක මුදලක් කොල්ලකෑ බවට ද මෙම උප පොලිස් පරීක්ෂකවරයාට චෝදනා එල්ල වී තිබිණි.
