සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) නොවැම්බර් 12: ඉරාන යුද්ධයට පෙර පැවති මට්ටමට ආසන්න වෙමින් ලෝක තෙල් නිෂ්පාදනය යළි ඉහළ ගොස් ඇති බව ඛනිජ තෙල් අපනයනය කරන රටවල සංවිධානය (OPEC) ප්‍රකාශ කරයි.
විශේෂයෙන්ම සෞදි අරාබියේ තෙල් නිෂ්පාදනය පසුගිය මාස කිහිපය තුළ වාර්තා වූ ඉහළම මට්ටම් කරා ළඟා වී ඇති බව සඳහන් වේ.
කෙසේ වෙතත්, කලාපයේ පවතින යුදමය තත්ත්වය හේතුවෙන් ජාත්‍යන්තර නාවික ප්‍රවාහනයට සහ තෙල් නැව්ගත කිරීම්වලට තවදුරටත් බාධා එල්ල වෙමින් පවතින අතර මෙවැනි බාධා මධ්‍යයේ වුවද තෙල් නිෂ්පාදනය යථා තත්ත්වයට පත්වීම ගෝලීය බලශක්ති වෙළෙඳපොළ කෙරෙහි වැදගත් බලපෑමක් ඇති කළ හැකි බව විශ්ලේෂකයෝ පෙන්වා දෙති.
ලෝක වෙළෙඳපොළේ තෙල් සැපයුම, මිල ගණන් සහ බලශක්ති සුරක්ෂිතතාව සම්බන්ධයෙන් ඉදිරි කාලය තීරණාත්මක වනු ඇතැයි අපේක්ෂා කෙරේ.
