සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) නොවැම්බර් 12: ස්පාඤ්ඤයේ දහස් සංඛ්‍යාත ජනතාවක් සහභාගී වූ මහා වැඩවර්ජනයක් අතරතුර බාසිලෝනා නගරයේ ප්‍රචණ්ඩකාරී ගැටුම් හටගෙන තිබේ.
වසර 14කට පසු පැවති පළමු වැඩවර්ජනයට එක්වූ විරෝධතාකරුවන් සහ පොලිසිය අතර ඇති වූ ගැටුම් හේතුවෙන් නගරයේ ඇතැම් ප්‍රදේශවල දැඩි නොසන්සුන්කාරී තත්ත්වයක් නිර්මාණය වී ඇත.
ජීවන වියදම ඉහළ යාම, නිවාස කුලී මිල අධික වීම සහ සාමාන්‍ය ජනතාව මුහුණ දෙන ආර්ථික දුෂ්කරතා මෙම විරෝධතාවලට ප්‍රධාන හේතු වී ඇති බව වාර්තා වන අතර විරෝධතා අතරතුර ඇතැම් පිරිස් වෙළෙඳසල්වලට හානි සිදුකරමින් කසළ බඳුන්වලට ගිනි තබා ඇති අතර, තත්ත්වය පාලනය කිරීම සඳහා පොලිසිය මැදිහත් වී තිබේ.
මෙම සිදුවීම් හේතුවෙන් ස්පාඤ්ඤයේ ප්‍රධාන නගර කිහිපයක දෛනික කටයුතුවලට ද බාධා එල්ල වී තිබේ.
