සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) නොවැම්බර් 21 : ඉන්දියාවේ ඊසානදිග මනිපූර් ප්රාන්තයේ නීතිවිරෝධී මත්පැන් විෂ වීමෙන් පුද්ගලයන් 11 දෙනෙකු මියගොස් තවත් 180කට අධික පිරිසක් රෝහල්ගත කර තිබේ.
මනිපූර් ප්රාන්තයේ චන්දෙල් දිස්ත්රික්කයේ ප්රදේශ කිහිපයකින් මෙම සිදුවීම වාර්තා වී ඇති අතර, බලපෑමට ලක්වූ පුද්ගලයන්ට විවිධ සෞඛ්ය සංකූලතා ඇති වී තිබෙන බව විදෙස් මාධ්ය වාර්තා කරයි.
සිද්ධිය සම්බන්ධයෙන් ප්රාන්ත මහ ඇමැතිවරයා විශේෂ පරීක්ෂණයක් පැවැත්වීමට නියෝග කර තිබේ. එමෙන්ම මෙම මරණවලට සහ විෂවීම්වලට වගකිව යුතු පුද්ගලයන් හඳුනාගෙන අත්අඩංගුවට ගෙන නීතිය අනුව දඬුවම් ලබාදෙන බව ද ඔහු අවධාරණය කර ඇත.
සිද්ධියට හේතු වූ මත්පැන්වල අඩංගු ද්රව්ය සහ ඒවා නිෂ්පාදනය කළ පුද්ගලයන් සම්බන්ධයෙන් බලධාරීන් වැඩිදුර විමර්ශන ආරම්භ කර ඇති අතර නීතිවිරෝධී මත්පැන් නිෂ්පාදනය හා අලෙවිය හේතුවෙන් ඉන්දියාවේ විවිධ ප්රදේශවල මීට පෙර ද මෙවැනි මාරාන්තික සිදුවීම් වාර්තා වී තිබේ.

