ඉදිරි සති දෙකක කාලය තුළ තවදුරටත් ලිහිල් කළ හැකි ආනයන සීමා සම්බන්ධයෙන් රජය අවධානය යොමුකිරීමට කටයුතු කරන බව මුදල් රාජ්ය අමාත්ය රංජිත් සියඹලාපිටිය මහතා අද (21) මාධ්ය වෙත පැවසුවේය.
ඒ, කටුනායක රෙගු අංගනයක් නිරීක්ෂණය කිරීමට ගිය අවස්ථාවේදීය.
රටේ පැවති විදේශ විනිමය තත්ත්වය මත මහ බැංකුවේ පර්යේෂණ අංශය මඟින් භාණ්ඩ 1500ක පමණ ප්රමාණයකට පසුගිය අගෝස්තු මස ආනයන සීමා පැනවුණු අතර ලද පැමිණිලි,ඉල්ලීම් ගැන සලකා බලා සැප්තැම්බර් 09 වැනි දින සිට භාණ්ඩ 700ක් සම්බන්ධයෙන් පනවා තිබුණු සීමා ලිහිල් කෙරුණු බවයි රාජ්ය අමාත්යවරයා පැවසුවේ.
ඒ අනුව තවදුරටත් කර්මාන්ත ක්ෂේත්රයෙන් ලැබෙන ඉල්ලීම්,දුක්ගැනවිලි පිළිබඳ ආනයන අපනයන පාලක දෙපාර්තමේන්තුව විසින් සලකා බලා ඉදිරියේදී එම සීමා ලිහිල් කිරීමට සූදානම් බව හෙතෙම සඳහන් කළේය.
ASK
