*
දේශීය පුවත් විස්තරය: සාරාංශය 10/24
- ජාත්යන්තර මූල්ය අරමුදල කෙරේ ලබා දුන් පොරොන්දුවලට ප්රකාරව ප්රධාන අපනයන බෝග වන තේ, පොල් සහ රබර් වෙතත් බදු පැනවීම සම්බන්ධයෙන් යෝජනා ඉදිරිපත් කිරීමට මුදල් අමාත්යංශය උත්සුක වෙයි! – රාජ්ය ව්යවසාය (SOE) තුළ ප්රධාන ප්රතිසංස්කරණ ඇතිකිරීම කෙරෙහි ද අවධානය
- 2023 අයවැය තුළින් තවත් බදු ඉහළ නැංවීමට නියමිතයි – එළඹෙන වසර තුළ රු. ට්රිලියනයකට අධික මුදලක් එකතු කිරීම කෙරෙහි දේශීය ආදායම් දෙපාර්තමේන්තුවේ අවධානය – රේගුව, සුරාබදු දෙපාර්තමේන්තුව සහ ආයෝජන ප්රවර්ධන මණ්ඩලය ආදී ආයතනවලින් ද තවත් බදු අපේක්ෂා කෙරෙනු ඇත – වාහන ආනයන තහනම ඉදිරියටත් පවත්වා ගැනීමට නියමිතයි.
- රජයේ ආදායම් 2022 වර්ෂයේ පැවති රු. බිලියන 2,056 ට සාපේක්ෂව 2023 වර්ෂය වන විට රු. බිලියන 3,500 දක්වා ඉහළ නංවා ගැනීමේ ඉලක්කයක් – මෙය සියයට 70 ක ඉහළ යාමක් ලෙස තක්සේරු කරයි – ජාත්යන්තර මූල්ය අරමුදලේ නිර්දේශ ධන බද්ද, ඉඩම් සහ දේපළ බද්ද සහ මරණ බද්ද ඉලක්ක කරනු ඇති.
- ඉහළතම අධිකරණය ‘ලඹකැටයක් මෙන් වැනෙමින්’ තිබෙන බව දෙමළ ජාතික සන්ධානයේ පාර්ලිමේන්තු මන්ත්රී එම්.ඒ. සුමන්දිරන් පවසයි – ශ්රේෂ්ඨාධිකරණ විනිසුරුවරුන්ට මීට වසර කිහිපයකට ඉහත පැවති තම ස්වකීය අභිලාෂයන් ම අමතක වී ගොස් ඇති බවක් පෙනෙන්නට ඇති බව චෝදනා කරයි.
- පාස්කු ඉරුදින ප්රහාරය විමර්ශනය සඳහා ජාත්යන්තර සහාය පැතීමක් අවශ්ය නොවන බව කොළඹ අගරදගුරු අති උතුම් මැල්කම් කාඩිනල් රංජිත් හිමිපාණන් පවසති – අවශ්ය වන්නේ දේශීය වශයෙන් රැගෙන යනු ලබන විමර්ශන ක්රියාවලිය ‘නිර්දේශපාලනීකරණය’ කිරීම බව අවධාරණය කරයි.
- නොරොච්චෝලේ ගල් අඟුරු බලාගාරයේ ගල් අඟුරු තොග අවසන් වීමට ළඟයි – රටේ විදුලි ඉල්ලුමෙන් සියයට 40 ක ප්රමාණයක් ලබා දෙන මෙම බලාගාරයට ඉදිරියේදී ලැබිය යුතු ගල් අඟුරු තොග පිළිබඳ අවිනිශ්චිතභාවයක් – ගල් අඟුරු නැව්ගත කිරීම් 04 ක් සඳහා ඇණවුම් කර ඇති මුත්, ගෙවීම් සිදුකර ඇත්තේ එකකට පමණක් බව ආරංචිමාර්ග පවසයි – අප්රේල් සිට ඔක්තෝබර් දක්වා භාවිතා කළ ගල් අඟුරු තොගය සඳහා අදාළ ගෙවීම් 2022 මාර්තු 31 ට පෙර සිදුකරන ලදී.
- අධිකරණය විසින් වරදකරුවන් කළ හිටපු LTTE සාමාජිකයන් 08 දෙනෙකුට ජනාධිපති රනිල් වික්රමසිංහගෙන් ජනාධිපති සමාව.
- විදේශ විනිමය හිඟය දිගටම පැවතුනහොත් ඉන්ධන මිලදී ගැනීමේ ක්රියාවලිය වෙනස් කිරීමට සිදුවනු ඇති බව බලශක්ති අමාත්යංශ ලේකම් මාපා පතිරණ පවසයි – ඩොලර් අර්බුදය මධ්යයේ තෙල් මිලදී ගැනීම ‘ප්රශ්න සහගත’ බව අවධාරණය කරයි.
- එළඹෙන වර්ෂය වන විට ශ්රී ලංකාවේ ආනයනික ටයිල් සහ නානකාමර උපාංග ක්ෂේත්රය ස්වයංපෝෂිත වනු ඇති බව සෙරමික් සහ වීදුරු භාණ්ඩ කර්මාන්ත සභා (Ceramic and Glass Industry) සාමාජික අරවින්ද පෙරේරා පවසයි – එකී නිශ්පාදන ආනයනය කිරීම සඳහා රජය විසින් පැනවූ තහනම මීට හේතුවනු ඇති බව අවධාරණය කරයි.
- ICC ලෝක කුසලාන T20 කණ්ඩායම් ක්රිකට් තරඟාවලියෙන් අයර්ලන්තය පරදා ශ්රී ලංකාවට කඩුලු 09 ක ජයක් – අයර්ලන්තය පන්දුවාර 20 කින් 128/8; ශ්රී ලංකාව පන්දුවාර 15 කින් 133/1.