1. ජර්මානු තානාපති Holger Seubert, කැනඩාව, ප්‍රංශය, ජර්මනිය, ඉතාලිය, ජපානය, එක්සත් රාජධානිය සහ එක්සත් ජනපදයේ නියෝජිතයන් හමුවී “ශ්‍රී ලංකාවේ ණය ප්‍රතිව්‍යුහගත කිරීම” පිළිබඳ සාකච්ඡා කරයි – ඉන්දියාව, චීනය සහ ජපානය ඇතුළු තම සංවර්ධන හවුල්කරුවන්ට ගෙවීම් කිරීමට ශ්‍රී ලංකා රජය අපොහොසත් වී ඇත.
2. ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානී සාගල රත්නායක, ජාත්‍යන්තර මූල්‍ය අරමුදලෙහි ශ්‍රී ලංකාව සඳහා පත්ව සිටින නව නේවාසික නියෝජිත සර්වත් ජහාන් ඇතුළු ජාත්‍යන්තර මූල්‍ය අරමුදලේ කණ්ඩායම හමුවෙයි – “ණය ප්‍රතිව්‍යුහගත කිරීම” සහ පූර්ව ක්‍රියාමාර්ග පිළිබඳ සාකච්ඡා කරයි – ශ්‍රී ලංකාවේ ණයහිමියන් අතර සාකච්ඡාවක් නොවැම්බර් 3 වන දින පැවැත්වීමට නියමිතයි.
3. ඉහළයන රැකියාවෙන් පහකිරීමේ සිදුවීම් ඇතුළුව ශ්‍රී ලංකාව “විරැකියා අර්බුදයකට” මුහුණ දී සිටින බවට ඉදිකිරීම් කර්මාන්ත මණ්ඩලයේ (Chamber of Construction Industry) හිටපු සභාපති රංජිත් ගුණතිලක ප්‍රකාශ කරයි – බොහෝ ඉදිකිරීම් ව්‍යාපෘති නතර වී ඇති අතර තවමත් සක්‍රීයව පවතින්නේ ව්‍යාපෘතිවලින් සියයට 10 – 15 ක් පමණක් බව අනතුරු අඟවයි.
4.රුසියාවේ AzurAir ගුවන් සේවය නොවැම්බර් 2 වැනිදා සිට ශ්‍රී ලංකාවට ගුවන් ගමන් ආරම්භ කරන බව රුසියාවේ ශ්‍රී ලංකා තානාපති මහාචාර්ය ජනිතා ලියනගේ ප්‍රකාශ කරයි.
5. සියලු ප්‍රධාන පක්ෂවල දේශපාලන ක්‍රියාධරයන් එක්සත් ජාතික පක්ෂයට ගෙන්වා ගන්නා ලෙස ජනපති රනිල් වික්‍රමසිංහ එම පක්ෂයේ “ඉහළතම නායකයන්ට” උපදෙස් දෙයි – මෙමඟින් ශ්‍රී ලංකා පොදුජන පෙරමුණ, සමඟි ජන බලවේගය, ජනතා විමුක්ති පෙරමුණ, ජාතික නිදහස් පෙරමුණ, දෙමළ ජාතික සන්ධානය, සහ ශ්‍රී ලංකා මුස්ලිම් කොංග්‍රසය යන පක්ෂවල ප්‍රධාන ධාරාවේ සහ ග්‍රාමීය මට්ටමේ දේශපාලන ක්‍රියාකරුවන් ඉලක්කවීමට නියමිතයි!
6. BIA 2 පර්යන්ත ව්‍යාපෘතිය (BIA Terminal 2 project) සඳහා අවශ්‍ය අරමුදල් ජපානයේ JICA ආයතනයෙන් ලබා ගැනීමට ශ්‍රී ලංකාව අසමත් වන්නේ නම්, එම ව්‍යාපෘතියට අදාළව ජපාන Taisei Corporation සමාගම සමඟ ඇතිකර ගත් ගිවිසුම අවලංගු කළ යුතු ද යන්න සමාලෝචනය කෙරෙනු ඇති බව ගුවන් තොටුපළ අධිකාරියේ සභාපති ජී.ඒ. චන්ද්‍රසිරි ප්‍රකාශ කරයි – දැනට, ව්‍යාපෘතිය අත්හිටුවීම හේතුවෙන් කොන්ත්‍රාත්කරුට මසකට රු. බිලියන 2 ක පමණ වන්දියක් ගෙවිය යුතුය.
7. “රේස් ද පර්ල්” (Race the Pearl) නමින් හැඳින්වෙන උතුරේ සිට දකුණට කිලෝමීටර් 600ක් ආවරණය වන පරිදි පැය 24ක් පුරා දිවෙන පාපැදි සවාරිය නොවැම්බර් 5 වැනිදා පේදුරුතුඩුවෙන් ආරම්භ වී දෙවුන්දර තුඩුවෙන් අවසන් කිරීමට නියමිතයි – මේ සඳහා එක්සත් ජනපදය, බ්‍රිතාන්‍ය සහ ප්‍රංශය යන රටවල කීර්තිමත් ධාවන පාපැදිකරුවන් 06 දෙනෙකු ද දේශීය ධාවකයන් 50 දෙනෙකු සමඟ සහභාගී වීමට නියමිත ය.
8. දැනට වාහන මිල පහත වැටීමට ප්‍රධාන වශයෙන් හේතු වී ඇත්තේ පොලී අනුපාත ඉහළ යාම සහ උද්ධමනය ඉහළ යාම බව මෝටර් වෙළෙන්දන්ගේ සංගමයේ (Motor Traders’ Association) සභාපති චරක පෙරේරා ප්‍රකාශ කරයි – ආදායම්වලට බලපෑම් එල්ල වී ඇති අතර බදුකරුවන්ට ඔවුන්ගේ ගෙවීම් දිගටම කරගෙන යාමට අපහසු වී ඇති බව ද අනාවරණය කරයි.
9. ලංකා විදුලි (පුද්.) සමාගමෙන් (LECO) විදුලිය ලබා ගන්නා තරු පන්තියේ හෝටල් සහ ඇතැම් ආයතන සමාජ ආරක්ෂණ දායකත්ව බද්දෙන් නිදහස් කර ඇති බව විදුලි පාරිභෝගික සංගමයේ ප්‍රධාන ලේකම් සංජීව ධම්මිකගෙන් අනාවරණයක්! – මෙම බද්ද ගෙවන බොහෝ දෙනෙකු අඩු මට්ටමේ පාරිභෝගිකයන් බවට ද මැසිවිලි නඟයි.
10. නවසීලන්තය ICC පිරිමි T20 2022 ලෝක කුසලානයේ දී ශ්‍රී ලංකාව සම්පූර්ණයෙන් ම ලකුණු 65 කින් පරාජය කරයි – නවසීලන්තය 167/7 (පන්දුවාර 20); ශ්‍රී ලංකාව සියලු දෙනා දැවී 102 (පන්දුවාර 19.2)
