ශ්‍රී ලංකාවේ වී වගාවට අවශ්‍ය TSP හෙවත් මඩ පොහොර මෙට්‍රික් ටොන් 36,000ක් ආධාර අවශයෙන් ලබාදීමට ජාත්‍යන්තර සංවර්ධනය සඳහා වන එක්සත් ජනපද නියෝජිතායතනය (USAID) එකඟතාවය පළ කර ඇති බව කෘෂිකර්ම අමාත්‍යාංශය පවසයි.
මෙවර මහ කන්නය සඳහා ද අවශ්‍ය මඩ පොහොර සපයා ගැනීම සඳහා මූල්‍ය ප්‍රතිපාදන නොමැති වීමෙන් ගැටලුවක් උද්ගතව තිබුණු බවයි කෘෂිකර්ම අමාත්‍යාංශය සඳහන් කරන්නේ.
එසේවෙතත් USAID ආයතනයෙන් ලැබෙන මෙම ආධාරය මත ලබන යල කන්නය සඳහා ගොවීන්ට නොමිලේ මඩ පොහොර ලබාදීමට කටයුතු කරන බව කෘෂිකර්ම අමාත්‍යවරයා පොහොර බෙදාහැරීම පිළිබඳ සමාලෝචන රැස්වීමකදී ප්‍රකාශ කර ඇත.
RN
